દોહરાયેંગે યેહી સબ, ઈન્સાનિયત હૈ મજહબ – અલતાફ પટેલ

મશ્વરા હૈ બડે ખુલુસકે સાથ,
બેકસીમેં કિસીકે કામ આઓ તુમ
ફરિશ્તા તો બન નહીં સકતે
કમસે કમ આદમી તો બન જાઓગે …..રાહબર

કોઈ માગે કે ન માગે, સલાહ આપવાનું ઘણા લોકોને ગમે છે. દીઠી ન હોય તેવી મીઠી પ્રસન્નતા સલાહ આપવાથી અનુભવાય છે. સારા લોકો હંમેશાં સારી સલાહ આપે છે. કોઈનું હિત જોખમાય નહીં તેવી પ્રેમાળ રીતે સલાહ આપીને ઘણા સત્કર્મ કરતા રહે છે. અજ્ઞાની પીછે પાની કર્યા વિના સજ્જનની સલાહને અનુસરે તો તાણ અનુભવ્યા વિના તેનું કલ્યાણ થઈ જાય છે. કોઈપણ જાતની ખોટ ખાધા વિના ચોટદાર સલાહ તેનું જીવન ધન્ય બનાવે તો બીજું જોઈએય શું ? એટલે જ એકબીજાની સલાહ  (મશ્વરા)ને સમજીને પગલું મૂકનાર લગભગ નાસીપાસ ન થતાં ઓછી મહેનતે સારી રીતે કસોટીમાં પાસ થઈ જાય છે. નિખાલસ (ખુલુસ) વ્યક્તિ યોગ્ય સલાહ આપવાનું કદી ટાળતી નથી. બસ, બીજાના કામમાં આવવું, નામ મળે કે ન મળે પણ પ્રેરક પયગામ પહોંચાડવાનું ચૂકવું નહિ.  સાચો જ્ઞાની પોતાના જ્ઞાનનો ઉપયોગ માત્ર પોતાના પૂરતો સીમિત રાખે જ નહિ, એ તો નિયમિત જ્ઞાન દાન કરીને જ જંપે. કોઈના દુ:ખદ પ્રસંગે (બેકસીમાં) આંગળી ચીંધ્યાનું પુણ્ય કાંઈ જેવું તેવું ન જ ગણાય. એનો પ્રભાવ જ એવો હોય છે કે તે કોઈપણ જાતનો ભેદભાવ રાખે નહિ. અરે, માણસ દેવદૂત (ફરિશ્તો) તો બની ના શકે; પણ સમાજમાં, દેશમાં એક આદર્શ મનુષ્ય બનીને ઉત્કર્ષનું શ્રેષ્ઠ ઉદાહરણ તો સ્થાપી શકે.

કૈસે હર પરેશાની, દિક્કતોંસે
બચતે હો તુમ
દિલ અપના ઈન્સાનિયતસે
પેશ કરતે હો તુમ
મઝહબ કી અસલી પહેચાન
યેહી તો હૈ અલતાફ
સીતમગર કીસ લીયે બનો,
જબકે ફરિશ્તે હો તુમ.

– અલતાફ પટેલ

[‘ગુજરાત સમાચાર’ (રવિપૂર્તિ તા.૨૨૦૩૧૫) તથા ‘દોબારા દોબારા’ કૉલમના લેખક જનાબ અલતાફ પટેલના સૌજન્ય અને સહમતીની અપેક્ષા સાથે અત્રે પ્રસિદ્ધ]

કેફિયત :
આ લેખના કર્તાની સહમતી મેળવવા માટે શક્ય તેટલા સ્રોતોએ પ્રયત્ન કરવા છતાં સફળતા મળી નથી. માનવીય ભાવનાઓને જાગૃત કરવાના ઉદ્દેશ સાથે બિનધંધાકીય શરૂ કરવામાં આવેલા આ બ્લૉગમાં પ્રસિદ્ધ થતાં લખાણોના લાગતા-વળગતા સર્જકોની અસંમતિ હોવાના સંજોગોમાં જે તે કૃતિને બ્લૉગફલક ઉપરથી દૂર કરી દેવામાં આવશે.  મારું ઈ-મેઈલ  એડ્રેસ : musawilliam@gmail.com અને મોબાઈલ નં. ++91 93279 55577 છે. ધન્યવાદ.

Advertisements

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s